Производителите грозничаво се обидуваат да ги исчистат издувните цевки на своите автомобили, а еден од најактивните на ова поле е BMW кој со воведувањето на системот Efficient Dynamics веќе ја исчисти Серија 1, поточно моделот 118d, кој сега емитува едвај 119 g/km CO₂, а на ред е и прочистување на издувот кај Серија 3.

Баварците се во пoдготовки на пазарот да го понудат моделот 318d кој ќе има емисија на СO₂ пониска од 120 g/km. Сегашниот модел има емисија на СО₂ од 123 g/km, ниска вредност која во BMW сакаат да ја направат уште пониска.

Целта треба да биде постигната со подобрување на аеродинамиката на возилото, менување на преносните односите во менувачот и поставување на гуми со низок отпор при тркалање.

Подобрувањата ќе се применуваат и кај Серија 1 што значи дека најмалечкиот автомобил со беџот на BMW на носот ќе биде уште почист, а планот е програмата полека да се прошири и на останатите модели.