Создавањето на дизел верзијата на М5 кое е доделено на спортскиот оддел на BMW, M GmbH е веќе завршено и се чека момент кога автомобилот ќе биде понуден на клиентите преку дилерите.

Доказ се првичните информации кои BMW веќе ги има испратено до дилерската мрежа во Германија во кои се наведени најважните карактеристики на  автомобилот, а тоа е моторот.

Под хауба на дизелскиот М5, поточно на BMW M550d како што велат дека ќе гласи името на автомобилот работи 3.0 литарски дизел со три турбо полначи кој остварува 381 КС и максимален вртежен момент од мрсни 700 Nm.

Иако моќноста не оди до 500 КС и 881 Nm како што се очекуваше при првата најава, сепак се работи за сериозни перформанси. Колку за споредба бензинецот во М5 остварува 680 Nm, a поблискиот по моќност BMW 550i од 4.4 литарскиот твин турбо извлекува 408 КС и 600 Nm.

Перформансите сеуште не се познати, но подвозјето, сопирачките и останатата техника е идентична како во М5. Се знае само дека максималната брзина е електронски ограничена на 250 km/h, a погонот е на четири тркала.

Во информацијата стои дека М550d ќе се нуди и како седан и како комби, а новиот три-турбо дизел ќе се вградува и во Х5 М и Х6 М.