М3 Cabrio можеби е најмоќен кабриолет од Серија 3, но е најспор М3. Послабите перформанси во однос на лимузината и купето се должат на дополнителната тежина добиена со додадените носачи за да се запази цврстината на каросеријата, плус електрохидрауличниот систем за подигње и спуштање на кровот.

Однапред кабриото личи подеднакво агресивно како и останатите од редот М3, со набабрена и префорирана алуминиумска хауба, надуени арки над тркалата, браник со големи отвори за воздух и специфично само за него пониска линија на појасот и различен задник.

Под хаубата вришти алуминиумскиот V8 со зафатнина од 4.0 литри кој остварува 420 коњски сили и максималне вртежен момент од 400 Nm при 3.900 вртежи. Ист како и кај останатите М3 е и максималниот број на вртежи што го постигнува моторот. Тука електрониката реагира и исклучува на 8.400 вртежи.

Но, сега моторот е врзан со новиот седум степен менувач со две спојки кого во BMW го нарекуваат M DKG. Според инженерите на BMW, М3 со новиот менувач е побрз, а спринтот до 100 km/h го исполнува побрзо токолку со мануелен менувач.

Сепак, за официјални податоци ќе почекаме до претставувањето во Женева, a до тогаш може да уживаме и во видеото.