Тимот на BMW отиде дотаму што бараше копии од финансиските извештаи со намера да се подготват за купување. Тоа се случи во мај месец и оттогаш во Ford и во Volvo негираат за превземање од BMW.

Работата отиде до таму што претседателот на Ford America, Марк Филдс мораше да излезе пред јавноста и да каже дека Volvo е премногу интегриран во империјата на Ford и дека не е за продавање.

Но, работите не стојат така. Последните вести велат дека финансискиот персонал на BMW се сретнал со своите колеги од Volvo во Гетеборг. Целта на оваа средба е откривање на финансиски информации пред BMW за да би можела германската марка да направи прецизна понуда за купување на Volvo.

И покрај негирањето од страна на официјалните лица на Ford за продажба на Volvo, извршниот директор на сината елипса Алан Мулали веќе напомена дека сите опции се отворени кога е во прашање решавање на финасискиот дефицит на Ford.