Се чини дека сите дизајнери кои се опседнати да нацртаат совршен Bugatti ги мешаат овие две работи. Наречена Bugatti Type 12-2 Streamliner студијата гледана од напред веднаш дава на знаење за кој автомобил всушност станува збор.

И додека гледнао од напред недвосмислено потсетува на Bugatti студијата од назад се потпира на дизајнерски смерници веќе видени кај некои спортски автомобили како на пример кај Ferrari поточно моделот 599 GTB и Alfa Romeo 8C.  Но, без оглед на сличности, дизајнот на задниот дел на овој Bugatti 12-2 недвосмислено е успешен.

И повторно се работи за четирисед, кој е многу актуелен по најавите дека Bugatti планира една токму ваква супер спортска лимузина, и секако ќе остане само на цртачките табли без било каква најава дека би можел да влезе во производство.

Рубен Замит предвидел моторот во формација W12 со два турбо полначи да биде сместен напред и да ги задвижува задните тркала. Како и претходната и оваа студија ги прикажува дизајнерските потенцијали, но за жал како што рековме ниту една од овие дизјан-најави нема да стигне до серија.