Cadillac го објавува првиот официјален тизер од својот компактен седан која ќе биде најмал модел во гамата и ќе ја носи ознаката ATS, а паралелно со него се развива и нов знаменоцес на компанијата.

Тој ќе ги замени досегашните модели DTS и STS и ќе биде означен како XTS. Покрај погонот назад ќе има и погон на четири тркала, магнетна контрола на суспензијата Magnetic Ride Control и ќе се одликува со висок луксуз.

Но, да се вратиме на ATS. Како што се вели во соопштението на Cadillac, ATS е само работна ознака за компактниот седан и сериската верзија би требало да носи друга ознака.

Cdillac ATS ќе биде поставен на новата платформа на General Motors, наречена Alpha која има погон на задни тркала и истата ќе се користи и за новата генерација на моделите од серијата CTS како и за наследникот на Chevrolet Camaro.

Планот на Cadillac е ATS на американскиот пазар да им конкурира на BMW Серија 3, Mercedes C Класа и Audi A4. Производството ќе се одвива во фабриката на компанијата во градот Ленсинг во сојузната држава Мичиген.

Според официјалната информација на Cadillac, компактниот седан ATS ќе се нуди и како купе и како кабриолет, а се споменува и жешка верзија. Постојат планови и за него извоз во Европа, но тоа не е потврдено.

Исто така не е потврдено ниту и кога ќе се појави на пазарот. Се знае само дека големиот XTS пристигнува на пролет следната година.