Eвропското одделение на Chevrolet, Chevrolet Europe, во годината кога марката наполни 100 години се закити со наградата Companybest 2011 која ја доделуваат новинари од Централна и Источна Европа.

Жирито составено од автомобилски новинари од 15 држави гласаше во полза на Chevrolet објаснувајќи го доделувањето на наградата како неминовно заради огромниот напредок на компанијата во последната година.

Во текот на 2011 година Chevrolet на пазарот испрати 7 нови и модернизирани  модели како Aveo, Orlando, обновената Captiva, Cruze во хечбек варијанта со пет врати, plug-in хибридот Volt и Corvette Grand Sport купе и кабрио.

Исто така во предвид се земени и бројните нагарди и високи оценки каде спаѓаат и високите оценки за безбедност од EuroNCAP. Имено Chevrolet Volt стана „Американски автомобил на годината” и „Светски еколошки автомобил”.

Понатаму ја освои и наградата за Автомобил на годината во Швајцарија за 2012, а ја освои и наградата Autobest-Ecobest.