Chevrolet официјално го претстави моделот за кој се верува дека ќе привлече најногу внимание на салонот во Пекинг. Како што наведовме вчера се работи за MPV верзија на plug-in хибридот Volt.

Chevrolet Volt MPV5 како што гласи полното име на овој миниван е поголем од обичниот Volt од кого ги користи дизајнерските смерници, платфромата и комплетниот plug-in хибриден погон наречен Voltec.

Volt MPV5 во должина мери 4.585 mm, широк е 1.871, висок е 1.612mm и има меѓусокино растојание од 2.760 mm. Димензиите покажуваат дека Volt MPV5 е за 181 mm подолг од Volt, за 73 mm поширок, 182 mm понизок и има за 15 mm поголемо меѓусокино растојание.

Внатре Volt MPV5 нуди простор за пет места за седење со огромен багажен просторо со волумен од 863,7 литри со исправени задни седишта и максимален волумен од 1.764,1 литри со спуштени задни седишта.

Карактеристични дизајнерски елементи за Volt MPV5 е огромното панорамско стакло кое се протега безмалку под должината и ширината на целиот кров и стаклена пета врата во која задираат развлечените задни светла.

За задвижување на Volt MPV5 како и кај Volt и братот близнак Opel Ampera е електромотор со моќност од 150 КС и вртежен момент од 370 Nm кој се хрни од литиум-јонски батерии со капацитет од 16 kWh.

Додека класичниот бензинец од 1.4 литри кој може да работи и на етанол Е85 се користи исклучиво како генератор за полнење на батериите. Со полни батерии Volt MPV5 може да извози 51,1 km пред да се вклучи генераторот кој им дава доволно џус на батериите за автонимија од максимални 482 km.

Chevrolet Volt MPV5 стои на ковани леснометални бандажи од 19 инчи обуени во специјално развиени гуми со низок отпор при тркалање. Максималната брзина изнесува 160 km/h.

Volt MPV5 влегува во серија, но кога сеуште не се знае прецизно.