Француската марка со елегентниот и луксузниот C-Crosser дополнително ја проширува својата моделска понуда.

C-Crosser е сестран теренец со одлични перформанси на асфалт и пристoјни теренски способности, потпомогнати од одличниот мотор кој со помош на филтерот за честички чад DPFS гаи склоност кон зачувување на животната средина.

Згодниот C-Crosser со каросерија како извајана од инвентивeн скулптор сугерира на цврстина, виталност, елегенција и препознатлив стил.

Со комбинирање на модуларниот дизајн и сестраноста при користење во реални услови – не само на хартија – C-Crosser e едноставен и практичен при секојдневно возење.

Она што одушевува кај теренецот од Citroen е извонредниот 2.2 литарски четирицилиндричен дизел со турбонатполнење и вредни 160 коњи, кој додатно се перчи со епитетот „чувар на животната средина” поради нивото на CO2 од 194 g/km.

Вртежниот момент од 380 Nm при 2000 вртежи дополнително го нагласува опуштеното возење со C-Crosser, а радува и просечната потрошувачка од 7,3 литри на 100 изминати километри.

Малата потрошувачка е плод на иновативниот погон. На сув асфалт или во град избирате 2WD и моторот ги задвижува само предните тркала.

Кога условите за возење стануваат полоши вртливиот регулатор се префрла на 4WD. Тогаш моќноста оди и до задните тркала, а распределбата меѓу предна и задна оска ја контролира електроника.

Третиот модус за возење е со заклучен централен диференцијал. Тогаш моќноста рамномерно се распределува меѓу двете оски, а служи за возење на снег, песок или во кал.

Кога се ќе се собере, C-Crosser е нова алтернатива во луксузниот сегмент на препознатливи возила создадени за слобода во движењето и авантура.