Жирито и гласачите на интернет на дваесет и шестиот Меѓународен фестивал на автомобили го прогласија вториот по ред премиум модел на Citroen, DS4 за Најубав автомобил за 2010 година.

Тука не сопреа наградите за DS4. Жирито го прогласи и неговиот ентериер за Најубав ентериер за 2010 година, а престижните награди беа врачени на генералниот директор на Citroen, Фредерик Банзе.

Жирито на Меѓународниот фестивал на автомобили го сочинуваат видни личности од светот на модата, културата, спортот и медиумите. Интересно е што пропозициите на фестивалот предвидено е и гласање преку интернет.

На годинешниот избор гласале луѓе од 62 различни држави, а дури 45% од нив го одбрале Citroen DS4 за Најубав автомобил на 2010, поради што моделот на Citroen собрал најголем број на гласови.

Останатите претенденти за Најубав автомобил на 2010 година биле BMW Серија 5 која го освоила второто место и хибридниот спортист Honda CR-Z кој добил доволно гласови за трето место.

Ова трите најубави автомобили за 2010. По нив следуваат: малиот родстер Renault Wind – четврти, кросоверот Mini Countryman – петти, седанот Infinity M37 – шести и комбито Volvo V60 – седми.

Citroen DS4 е вториот модел од премиум серијата на Citroen кого марката го претстави минатата година на салонот во Париз. Поставен е на основата на компактниот С4, но од него покус e за 60 mm, поширок е за 20 mm, a повисок е за 40 mm.

Доаѓа како компакт со 5 врати, но отсуството на квака кај задните врати му дава линија на купе. Под хауба носи пет мотори. Два дизели од 1.6 и 2.0 литри со 110 и 160 КС и бензинецот од 1.6 литри во три изведби.

Најслабата атмосферска со 120 КС и изведбите со турбо натполнење со моќност од 155 и 200 КС. Менувачите се мануелен или роботизиран со шест степени на пренос. Цената на Citroen DS4 во Европа стартува од 22.500 евра.