Напротив. Станува збор за нов момент во Citroen кој по најавата на Жан-Марк Гал дека компанијата планира експанзија претставува вистинско изненадување и освежување.

Што е посреди? На кусо: Citroen планира производство на супер спортски автомобил. Така барем соопштува шефот за производство во Citroen, Винцент Бесон, а одлуката ќе падне во следните 3 до 4 седмици.

Спортистот на Citroen ќе се потпира на дизајнот на концептот GT кој беше претставен на салонот во Париз минатата година. Дизајнот на Citroen GT го потпишува јапонскиот дизајнер Такумо Јамамото.

Првичната идеја на одговорните во Citroen беше GT да претставува show car кој ќе ги прикаже можностите на компанијата без никакви претензии за сериско производство. Но, времињата се менуваат и сега во Citroen размислуваат за сериско производство.

Сепак, повторно е прашање дали производството на GT ќе биде сериско. Доколку бордот даде зелено светло за производство на GT, a според Бесон тоа е „многу веројатно”, ќе биде произведена лимитирана серија од само 15 примероци по цена за парче од 1 милион евра.

„Целта на овој проект не е Citroen да заработи пари, но ниту да изгуби,” вели Бесон. „Треба да останеме на позитивна нула и притоа на светот да му покажаме за што све е способен Citroen,” заклучува тој.

За разлика од концептот кој како двигател користи електромотор, сериската верзија на GT ќе носи масивен V8 бензинец земен на заем од Ford, но во комбинација е и General Motors.

Откако ќе падне одлуката дали GT да оди во серија ќе падне и одлука за кој агрегат да се вградува. Во секој случај тоа ќе биде мотор со моќност од преку 500 КС наведува Бесон.

Доколку автомобилот добие зелено светло за производство сериската верзија ќе можеме да ја видиме на есен на салонот во Франкфурт.

Бесон воедно се пофали дека веднаш по објавувањето на информацијата во Citroen почнале да се јавуваат потенцијални клиенти кои сакаат да го сместат GT во својата приватна колекција притоа не прашувајќи за цена.