Volkswagen го проширува семејството на Golf на вкупно шест различни верзии кои покрај стандардниот Golf ги опфаќаат Golf Plus, Golf Variant, Golf GTI, најмоќниот Golf на сите времиња Golf R и сега CrossGolf.

Како и CrossPolo и CrossGolf во суштина претставува напумпана верзија на оригиналот. Ликот на теренец е добиен со заштитната црна пластика на арките над тркалата и праговите и повисоко растојание од подлогата.

Меѓутоа за разлика од CrossPolo, CrossGolf е поставен на основата на Golf Plus, не на обичниот Golf. Моторите, менувачите и погонот се наследени од матичниот модел.

Тоа значи дека под хаубата работат турбо бензинци и турбо дизели со распон на моќност од 105 до 160 КС. Стандардно на располагање се мануелни менувачи со шест степени на пренос, а како опција стои DSG менувачот со две спојки и седум степени на пренос.

Главните дизајнерски елементи кои го прават CrossGolf различен од Golf Plus се новиот преден браник со поголем отвор за довод на воздух и централен дел од алуминиум кој продолжува во заштита на моторот.

Нов е и задниот браник каој како предниот носи две бои, бојата на каросеријата горе и боја на антрацит долу и центрaлен дел од алуминиум. Антрацит црната пластика како што наведовме се наоѓа и на арките од тркалатa и на праговите.

Надворешните ретровизори се обоени во сребрена боја, а како дел од сериската опрема доаѓаат и 17 инчни леснометални бандажи. Со доплата CrossGolf може да се опреми со биксенон предни светла, кожен ентериер, камера за поглед назад и системот за асистенција при паркирање на Volkswagen или Park Assist.