Одговорните во Renault сметаат дека нивната романска марка Dacia треба во програмата да го врати веќе заборавениот модел Solenza чие производство престана во 2005 година.

Новата верзија на Solenza ќе биде поставена на модуларната платформа на новата генерација на Renault Clio.

Новата Dacia Solenza ќе биде сосема различен автомобил од својот претходник. Ќе настапува во друг пазарен сегмент обидувајќи се да ги освои купувачите со концептот на седан со пет врати и должина од 4,8 метри.

Димензиите ќе ја постават Solenza безмалку рамо до рамо со актуелниот Renault Latitude и далеку над Renault Fluence. Сепак, без оглед на димензиите Solenza ќе биде поприземјен модел и ќе стартува со цена од околу 13.000 евра.

Под хауба ќе работат ознатите мотори дизелот 1.5 dCi со 90 КС и бензинецот 1.6 со 110 КС, а се очекува и 2.0 литарски бензинец со 150 КС. Опремата ќе биде сериозна бидејќи на нишан ќе држи модел како Skoda Octavia.

Се споменуваат детали како автоматски двозонски клима уред, греење на седишта, Start&Stop систем, 3D навигација, автоматски менувач и слично. На пазарот би требало да се појави во 2015 година.