За да се зачува природата и намалат штетните гасови Dacia преку застапникот во Македонија почнува акција, Dacia за природата, за отстранување на старите возила од патиштата на нашата држава.

Во оваа насока Automotive Group се покажува како општествено свесна компанија која се грижи за природата и преку промовирање на оваа кампања сака да помогне да се отстранат старите автомобили од патиштата.

Принципот е едноставен секој којшто има возило кое е во возна состојба и уредно регистрирано и за кое смета дека има есап да го оттуѓи за вредност од 1.600 евра го остава во продажните салони на Dacia и за наведената сума добива попуст при набавка на нов Sandero.

Екоакцијата Dacia за природата се остварува со поддршка на компанијата МАКСТИЛ/Дуферко која ќе ги рециклира старите автомобили, невладината организација BELLS - балканска организација за заштита на природата и на животната средина, FUEL - невладина организација за горива, мазива и за мотори, а поддршка за акцијата изразува и проф. д-р Миле Димитровски од лабораторијата за мотори при Машинскиот факултет во Скопје

Проф. Миле Димитровски, кој е воедно и претседател на Комисијата за следење и примена на научните достигнувања од областа на безбедноста на сообраќајот на патиштата, при Републичкиот совет за безбедност на сообраќајот на патиштата, истакнува дека главни прашања на денешницата за опстанок се:

- да се зачуваат ресурсите преку рециклирање на производите

- да се обезбеди здрава и чиста околина за живот преку помало загадување

- да се намалат емисиите заради заштита од глобалното затоплување.

Програмата што ја нуди Dacia според него во целост е во согласност со овие глобални принципи. Програмата во исто време гарантира справување со сите отпадни материјали и флуиди, од откупеното старо возило, на осмислен организиран начин и регулирана постапка.

„Ако програмата КРШ за НОВО, во Соединетите Американски Држави и во Германија беше поттик за опстанокот на автомобилската индустрија, тогаш програмата КРШ за НОВО и во Македонија ќе придонесе за организирано справување со старите возила (рециклирање), обезбедување почист воздух и за намалување на глобалното затоплување. Сите овие мерки се добредојдени за приближување на Македонија кон принципите и начинот на работа во ЕУ,” вели Димитровски.

Воедно, треба да се напомене дека Sandero кој е опфатен со акцијата ги задоволува нормите Euro 5, a дополнителниот знак Eco² кој се наоѓа на возилата на Dacia наведува дека тие се произведуваат во согласност со европските норми и неговото значење е дека:

- се води посебна грижа за елиминирање на CO² од издувните гасови и се со помала емисија на јаглероден диоксид под 180 g/km

- сите возила се произведуваат во фабрики што се сертифицирани со ISO 14001 (стандард за зачувување на животната средина)

- може да се рециклираат 95% од возилото по неговиот животен век, за понатамошно користење на материјалите

- во сите возила 8% од пластиките се од веќе рециклирани материјали