Автомобилот првпат се појави годинава на салонот во Женева. Тогаш одговорните најавија продукција од само 99 автомобили. И иако заинтересираноста скокна до небо, и е причина зошто концептот оди во производство, неговите создавачи не отстапуваат од планот.

Финансиите за негово производство доаѓаат од двајца богати италијанци кои сакаат автомобил кој ќе биде поексклузивен и од еден Bugatti.

Автомобилот е нов но името е старо. Датира од 1835 кога Diatto го патентираше името, а во 1905 го произведе првиот автомобил. Неговите патишта често се вкрстуваа со оние на Загато, Еторе Бугати, браќата Масерати и Тацио Нуволари.

Модерниот Diatto Ottovu ќе биде задвижуван од 4.6 литарски V8 на Ford кој остварува моќност помеѓу 530 и 650 КС. Со вкупна тежина од околу 1.450 килограми ова модерно купе ќе забрзува до сто за помалку од 4 секунди, а се предвидува максималната брзина да ја прескокне границата од 300 km/h.