Toyota најавува дека сериската верзија на долгоочекуваниот plug-in хибрид на Prius ќе биде прикажана за неполн месец од сега на престстојниот салон на автомобили кој се одржува во Франкфурт.

Според информацијата во моментот инженерите на Toyota ги прават завршните тестирања на автомобилот пред да стартува неговото сериско производство и конечно комерцијализацијата на пролет следната година.

Toyota Prius Plug-In Hybrid место никел-метал-хидрид, носи покомпактни батерии со технологија литиум-јон кои ќе можат да се полнат со приклучување на стандардна електрична мрежа.

Со новите батерии Prius добива поголема автономија за возење само на електричен погон. Измерено е дека Prius Plug-In Hybrid со едно полнење на батериите ќе може да мине 21 километар со брзина од 100 km/h.

За достигнување на максимален капацитет на батериите потребни се 90 минути полнење при напон од 220 V. Тука не застануваат предностите на овој Prius.

Инженерите велат дека мерено според европската методологија за потрошувачка, Prius Plug-In има просечна потрошувачка од 2,2 l/100 km и просечна емисија на јаглероден диоксид од само 49 g/km.

Од наведените податоци станува јасно дека Prius Plug-In ќе биде еден од најефикасните хибридни возила на пазарот во Европа.