Верзиите Lifestyle и Sport ќе се нудат во моделите со три и со пет врати. Клиентите кои ќе се одлучат за купето и кабриолетот на Серија 1 остануваат покуси за двете нови понуди.

BMW Серија 1 Lifestyle нуди стилизирана екстравагантност со специјално измиксана кафена боја со метален ефект наречена Marrakesh Brown Metallc. Автомобилот дополнително го украсуваат хромирани издувни цевки и посебните леснометални банаджи со дијаметар од 17 инчи наменети само за оваа верзија.

Тонот на бојата продолжува и во внатрешноста. Лајсните на арматурата и делот од централната конзола се обоени со истата Marrakesh Brown Metallc боја, додека во Magma Brown - магма кафена боја се поставени средишниот дел од седиштата, страниците на потпирачите за глава и облогите на вратите.

BMW Серија 1 Sport доаѓа со пакетот на M Sport кој покрај визуелниот идентитет на спортист нуди дополнително стегнато подвозје и леснометални бандажи кои можат да бидат со пречник од 17 или 18 инчи.

Специјалната едиција на спортската верзија на Серија 1 е обоена во исто така посебно измешана сива боја со метален ефект наречена Ferric Gray. Внатре бојата се повторува на делот од арматурата, централната конзола и рачките на вратите.

Седиштата напред се спортски со испакнати страници, педалите се од алуминиум, рачката од менувачот е спортски куса, а на воланот е залепено логото на M Power постојано да потсетува што држите в раце.

BMW двете специјални едиции Lifestyle и Sport ги нуди со бензински или дизел мотор кои работат и во останатите верзии и моделски изведби на Серија 1.

Станува збор за 2.0 литарскиот бензинец кој работи во 120i остварува 170 КС при 6.700 врт/мин и 210 Nm при 4.250 врт/мин овозможувајќи спринт до 100 km/h за 7,8 секунди и максимална брзина од 224 km/h со просечна потрошувачка од 6,6 L/100 km.

Втоирот морот е дизелот од 118d кој исто така има зафатнина од 2.0 литри остварува 143 КС при 4.000 врт/мин и максимален вртежен момент од 300 Nm меѓу 1.750 и 2.500 врт/мин.

Со овој мотор BMW Серија 1 Lifestyle и Sport забрзуваат до темпо 100 за 9,0 секунди и имаат максимална брзина од 210 km/h. При тоа фабричките податоци велат дека просечната потрошувачка изнесува едвај 4,5 L/100 km.

Продажбата на BMW Серија 1 Lifestyle и Sport започнува веднаш по претставувањето во Франкфурт кога ќе бидат објавени и повеќе фотографии за верзиите и секако цената.