Инспирацијата Декорди ја влечел од болидот на Ferrari во Фромула 1 на кого е поставен кокпит од авион ловец. Комбинирањето на болид и авион го однело Декорди во светот на врвната аеродинамика.

Неговите цели при создавањето на Zobin биле насочени кон постигнување на што понизок коефициент на отпор на воздух и подобро лепење за асфалтот.

Оригиналниот преден дел претставува модификувана предница на болид во Формула 1 преточен во скулптура на соврeмена уметност, карактеристика со која може да се опише целиот автомобил.

Но, естетиката е само дел од збирот што го сочинува Zobin. Дизајнерот предвидел во централниот дел на шасијата да работи моќен и ултра ефикасен мотор со ниска емисија на издувни гасови кој ќе биде во состојба да го турка Zobin до максимална брзина од преку 320 km/h.

Иако е претставен како концепт мала е веројатноста Zobin да го види светлото на денот дури и во една ограничена серија.

Zobin пред се е создаден за да се прикаже нестандардниот облик и авагардниот дизајн што би можеле да го имаат автомобилите во иднина.