Генерално Vision е многу сличен до хибридот S 400 BlueHYBRID кога станува збор за погонот и покрај класичниот мотор со внатрешно согорување користи електромотор за дополнително зголемување на моќноста и задржување на потрошувачката во прифатливи рамки.

Главната разлика е што Vison S 500 е plug-in хибрид чии литиум-јонски батерии сместени во багажникот на луксузниот седан се напојуваат со приклучување на стандрадна електрична мрежа.

Под хаубата на Vison S 500 исто како и во S 400 BlueHYBRID работи 3.5 литарскиот V6 бензинец со систем за директно вбризгување на горивото од најнова генерација спарен со електромотор.

Заедно произведуваат околу 370 КС доволни за спринт до 100 km/h за 5,5 секунди, максимална брзина електронски ограничена на 250 km/h, просечна потрошувачка од 3,2 L/100 km и емисија на СО₂ од само 74 g/km.

Хибридниот модул составен од акумулатрските литиум-јонски батерии кои го напојуваат електромоторот на задните тркала испорачува моќност од 60 КС и максимален вртежен момент од 250 Nm.

Тежината на хибридниот модул е доведена до многу ниско рамниште и изнесува 215 kg од кои 130 kg им отпаѓаат на акумулаторските батерии. Автономијата на Vision возејќи само на елeктричен погон е далеку од импресивна и изнесува 30 km.

Батериите максималниот капацитет го достигнуваат по ќетири часа полнење на стандарден електричен приклучок, а од Mercedes ветуваат дека забрзано се работи на систем кој ќе овозможи полнење на батериите до максимален капацитет за помалу од 1 час.

Покрај полнењето од електрична мрежа батериите се напојуваат и од класичнито мотор, но и при сопирање или забавување кога електромоторот има улога на генератор, а за економичноста на Vision посебно во градски услови е задолжен и системот старт/стоп.

Сепак, иако конструкциски се потпира на класичната S Класа и на хибридот S 400 BlueHYBRID, Vision S 500 е сеуште далеку од сериско производство. Барем така велат во Mercedes.

Според нив на инженерите им претстои уште многу работа пред овој луксузен plug-in хибрид да биде спремен за во серија.