Полека стигнуваат најавите за годинешниот автомобилски салон во Пекинг кој полека но сигурно се претвора во една од најважните изложби во светот на автомобилите, а се отвора следната седмица.

Нормално на салонот во Пекинг се очекува доминација на кинеските производители на автомобили, но и сериозен настап на останатите производители ширум светот.

По најавата за настап на преку 50 нови модели на Geely со неговите три нови марки пристигнува и најава за електричните концепти на кинескиот производител IAT наречени Wifeng II, Zhu Feng и eTaxi.

Wifeng II e спортско купе со две места за седење и врати кои се отвораат како галебови крила. Според информациите кои доаѓаат од IAT, ова малечко спортски купе моќе да достигне максимална брзина од 200 km/h и да спринтува од место до 100 km/h за 7,0 секунди.

Дефинитивно перформансите се во рамките на еден спортски автомобил, но најважното во врска со Wifeng II е што тој е електромобил за кого електрмоторот и батериите ги испорачува специјализираната јапонска компанија ENAX.

Вториот електрoмобил на IAT, Zhu Feng, во превод Бамбусов Ветар е минивен со четири места за седење и доволно простор во кабината и багажникот за патување на куси релации и секако за пробивање низ градскиот метеж.

Zhu Feng има максимална брзина од 90 km/h и со едно полнење на батериите е способен да мине 160 km. Карактеристично кај Zhu Feng е компактниот пакет батерии кој моќе да биде заменет со нов наполент за само минута и половина.

Батериите максималниот капацитет го постигнуваат по 8 часа полнење на стандардна електрична мрежа, додека 80% од капацитетот е достапен веќе по 30 минути полнење исто така на стандардна електрична мрежа.

Tретиот концепт на IAT е наречен eTaxi. Моделот личи како класичен седан со многу простор во внатрешноста и во багажникот и прилично впечатлив дизајн кој привлекува на прв поглед. Техниката е слична како и кај моделот Wifeng II.

Како и за Wifeng II и за Zhu Feng и за eTaxi електричниот пакет мотори и батерии го испорачува јапоснкиот ENAX.