Ова се првите официјални фотографии на првиот компактен автомобил на Lexus, CT 200h кои доаѓаат во облик на протечена информација од каталогот на компанијата наменет за своите дилери.

Автомобилот којшто е создаден според концептот LF-Ch кого Lexus го прикажа на салонот во Франкфурт минатата година и претставува интерпретација на зададената тема, секако со сите приземнувања и отстапки кои морале да ги направат дизајнерите за да го подготват за сериско производство.

Компактниот Lexus по димензии е типичен претставник на класата со должина од 4.320 mm, ширина од 1.765 mm и висина од 1.430 mm. Меѓуоскиното растојание изнесува 2.600 mm, a трагата напред/назад изнесува 1.525 mm.

Волуменот на багажникот изнесува 345 литри и моќе да се зголеми до максимални 700 литри со преклопување на задната клупа. Она што го прави различен од останатите европски компакти и оние од премиум класата е хибридниот погон.

Lexus CT 200h по димензии е сличен и со Toyota Prius, односно малку е помал од неа, но затоа го носи нејзиниот хибриден систем со никел-хидрид акумулаторски батерии, електромотор, бензински мотор од 1.8 литри со варијабилно управување на вентилите VVT-i и електронски контролиран менувач со варијабилен континуиран пренос Е-CVT.

Иако го носи погонот на Prius, Lexus CT 200h е поставен на сосема нова платформа која назад носи мултилинк оска, а напред носи опружна нога од типот McPherson, што би требало да му донесе одлични возни карактеристики за борба со главните конкуренти на европскиот пазар BMW Серија 1 и Audi A3.

Сериски Lexus CT 200h ќе носи леснометални бандажи од 17 инчи, а возачот ќе може да бира еден од четирите модуси на возење: EV само со електромотор, Eco, Normal и Sport.

Кога ќе се одбере модусот спорт Lexus CT 200h го менува карактерот со подобар одзив на моторот на педалот за гас, постегнато управување и префрлање на менувачот при повисоки вртежи и менување на бојата на осветлувањето на таблата со инструменти станува црвенa.

Светската премиера на CT 200h е закажана за салонот во Женева, а продажбата Lexus ja најавува некаде за втората половина на годината.