Honda подготвува специјална верзија на својот хибрид Insight која ќе биде прикажана на тјунинг шоуто кое се одржува викендов 15 до 17 јануари во јапонската престолнина Токио.

Концептот на Insight е создаден во фабричкиот оддел за тјунинг на Honda кој го носи името Modulo. Insight Sports како што е наречена оваа специјална верзија е препознатлива пред се по новите аеродинамички додатоци.

Напред покрај новиот преден браник кој завршува со рамни страници и во кого се вкомпонирани светлечки диоди кои ја превземаат улогата на светла за магла, се наоѓа и нова маска со пособен отвор за доток на воздух лево од беџот на Honda. Светлечки диоди се користат и за светлата за возење дење и средните светла.

Од страна новите прагови покриваат и дел од арките на тркалата заради неутрализирање на воздушните вртлози кои се создаваат околу нив. Посебни лајсни се додадени и на носачите на предното и на задното стакло.

Назад новиот браник исто така завршува со рамни страници, а во себе носи и интегриран дифузор. Ниту леснометалните бандажи не се обични кај Insight Sports. Тие однадвор се покриени со четвртина аеродинамичен панел, а од внатре носат аеродинамичен прстен.

Стилските додатоци се однесуваат и на кабината. Дизајнерите напред поставиле спортски седишта преслечени со алкантара и потпишани од Modulo, а алакантара која се користи и за обложување на воланот, рачката од менувачот и рачната сопирачка.

Insight Sports од Modulo е интересен тјунинг концепт за кого во Honda велат дека како пакет од сега ќе им стои на располагање на купувачите на Insight. Не само за новите нарачки, туку и за оние кои веќе купиле Insight.