|
14.05.2007 |
 Ferrari ќе се обиде да постави нов рекорд за најдолга парада на возила од марката на посебната манифестација што по тој повод ќе се одржи на тркачката патека Силверстоун на 8 јуни.
Именуван како Ferrari Racing Days, тридневниот настан ќе ги привлече сите сопственици на Ferrari на патеката во Силверстоун, а ќе се одржи и британската трка од шампионатот Ferrari Challenge Trofeo Pirelli, на кој ќе се тркаат 60 идентични F430.
Публиката ќе може да го види во живо и ултрареткиот FXX од кој постојат само 29 парчиња, плус еден примерок изработен специјално за Михаел Шумахер. Настанот ќе го заокружи Ferrari Shell Historic Challenge, на кој модели од сите декади ќе се тркаат на патеката. Меѓу нив ќе се најдат Ferrari 166 Inter Vignale од 1950, Ferrari 250 SWB California Spider (1960), Ferrari 365 GTB/4 Competizione (1972) и Ferrari 512 BB Le Mans edition од 1980 година.
|
