Според изворот производството на најголемиот модел на Ferrari четириседот 612 Scaglietti во моментов е запрено поради недостаток на нарачки.

Понатаму проблеми создава и новиот модел California кој предизвикал драстично намалување на нарачките за супер спортитстот F430. Во Ferrari eдинствено не е загрозен моделот 599 GTB Fiorano чија листа на чекање е пополнета за следните две години.

Поради падот на производството условен од слабата продажба Ferrari ќе биде принуден да отпушти околу 300 работници заради намалување на трошоците во 2009.

Изворот наведува дека договорот со Тata за спонзорство во Формула 1 не е случаен. Финансиската инекција игра важна улога во одржување на компанијата воопшто, не само на тимот во Формула 1.

Воедно соработката е доведена на високо ниво бидејќи инженерски тим на Tata годинава присуствувал на сите трки во Формула 1 што го отвора прашањето за можно инволвирање на Тata во Ф1 со сопствен тим.

Дополнително по договорот за испорачување на мотори меѓу Fiat и Тata се очекува потпишување на нов договор за производство на Grande Punto и Linea во погоните на Tata кои ќе бидат наменети за пазарот во Индија.

Очигледно е дека индијскиот конгломерат ќе игра важна улога во одржувањето на операциите и на Fiat и на Ferrari во време на криза.