Годишниот обрт од 1 милијарда и 447 милиони евра во 2006 е зголемен на 1 милијарда и 668 милиони евра во 2007 или скок за 15,3 проценти, што во најголемиот дел се должи на одличната продажба на моделите F430 и 599 GTB Fiorano.

Во 2007 на клиенти се испорачани вкупно 6.456 сериски автомобили. Секако тука не се вклучени и автомобилите што се продадени а се наменети за на патека. Продажбата е зголемена за 14 проценти во однос на 2006.

Со зголемувањето на продажбата е зголемен и профитот кој за 2007 изнесува дебели 266 милиони евра, скок од 45,4 проценти во однос на 2006. Овие одлични финансисики резултати се плод на зголемената продажба и зголемената ефикасност во сите сфери на работење на компанијата.

Во обѕир треба да се земат и рекордните трошоци што Ferrari во 2007 ги даде за развој, но и падот на доларот, валута во која се наплатуваат околу 30 проценти од севкупната продажба на Ferrari.