Fiat подготвува нова модификација на малечкиот 500 за салонот во Женева која е наречена Natural Power Turbo Project и која покрај бензин како погонско гориво користи и компримиран природен гас CNG.

Под хаубата на новиот еколошки модел на Fiat работи познатиот 1.4 литарски турбо бензинец T-Jet кој е модификуван за да работи и на природен гас. Моторот остварува моќност од 115 КС и максимален вртежен момент од 175 Nm.

Интересно е што вртежниот момент се зголемува на 200 Nm кога во моторот согорува природен гас. И во двата случаеви максималниот вртежен момент му стои на располагање на возачот од ниски 1.750 врт/мин.

Кога работи на бензин моторот нa Fiat успева да го забрза 500 до 100 km/h за 10,8 секунди, додека на природен гас забрзувањето до темпо 100 изнесува 8,5 секунди. Максималната брзина и во два случаи е 182 km/h.

За сега од Fiat не ги откриваат останатите податоци како потрошувачката на бензин и на природен гас и емисијата на јаглероден двооксид. Не се знае ниту дали автомобилот влегува во сериско производство.

Од Fiat велат дека сите детали ќе бидат обелоденети на премиерата во Женева.