Според него компаниите кои произведуваат помалку од 5,5 милиони автомобили годишно ќе мораат да бараат партнер. Секако тука спаѓа и Fiat поради што кај италијанскиот производител размислуваат за здружување.

Информацијата за алијанса меѓу Fiat и PSA Peugeot Citroen доаѓа од италијанскиот дневен весник Milano Finanza каде се вели дека премиерот на Италија, Силвио Берлускони и претседателот на Франција, Николас Саркози разговарале за можна алијанса меѓу двата производители.

Peugeot и Citroen минатата година вкупно произведоа 6,2 милиони автомобили што ги става рамо до рамо со групацијата на Volkswagen и на Rеnаult - Nissan и веќе најавија дека разгледувањето за можна алијанса со некој друг производител не им е во прв план.

Одговорните и во двете компании молчат околу ова прашање. Сепак, Маркионе најави дека е можно создавање на еден голем Европски производител кој ќе може да се носи со еден голем германски и еден голем француски производител имајќи ги тука на ум VW и Renault – Nissan.

Независноста на Fiat веќе со години жестоко ја брани семејството Ањели кое има 30% удел во компанијата.

Без оглед на цврстиот став на семејството Ањели доколку светската економија се влоши уште повеќе дури и тие ќе немаат избор и ќе мора да одобрат алијанса со друг производител.

Според сегашните прогнози профитот на Fiat во 2008 би можел да опадне за 510 милиони долари.