Станува збор за инвестиција вредна 700 милиони евра, која воедно е и една од најголемите инвестиции во историјата на Fiat. Партнерството меѓу овие два производители продолжува, но сега 70 проценти од сопственоста на Zastava припаѓаат на Fiat, а 30 проценти на Србија.

Со потпишувањето на меморандумот Fiat се обврзува драстично да го зголеми производството во Zastava. Од сегашните 12.350 автомобили произведени во 2007 на околу 50.000 возила во првите 9 месеци од потпишувањето на меморандумот.

Пoнатаму плановите на Fiat одат кон производство на нов модел од ниската класа во Zastava до крајот на следната година, а веќе во 2010 би требало да пристигне уште еден нов модел со што вкупното производство би ја достигнало планираната бројка од околу 300.000 автомобили годишно.

Веќе пишувавме дек владее голема заинтересираност за Zastava, но Fiat прв превзеде конкретни чекори во остварување на соработка сепак, заинтересираноста на Volkswagen за Zastava останува.

Но, за разлика од Fiat, германците се заинтересирани за „greenfield” инвестиции, односно подигање на нова фабрика од нула со сопственички удел од 99,9 проценти.