|
Организаторите на меѓународниот избор за Светски автомобил на годината 2010 или WCОTY - World Car of the Year соопштија кои се десетте автомобили кои што влегуваат во финалниот избор.
Од вкупно 31 автомобил кои зедоа учество во изборот за Светски автомобил на годината жирито избра куса листа од десет автомобили – Audi Q5, BMW X1, Chevrolet Cruze, Kia Soul, Mazda 3, Mercedes E Класа, Opel Insignia, Porsche Panamera, Toyota Prius и Volkswagen Polo.
Колку за потсетување последниот во листата наредена по азбучен ред Volkswagen Polo во ноември минатата година беше избран за Европски автомобил на годината за 2010.
Конкурсот за избор на Светски автомобил на годината вклучува уште три категории: Светски спортски автомобил на годината, Најзелен автомобил на годината и автомобил со Најдобар дизајн.
Финалисти за спортски автомобил на годината се: Aston Martin V12 Vantage, Audi R8 V10, Audi TT RS, BMW Z4, Ferrari California, Jaguar XFR, Lotus Evora, Mercedes E 63 AMG, Nissan 370Z, Porsche GT3 и Porsche Boxter/Cayman.
Финалисти за најдобар зелен автомобил на годината за 2010 се: Ford Fusion Hybrid, Honda Insight, Mercedes S400 BlueHybrid, Toyota Prius и Volkswagen Passat, Golf, Polo BlueMotion.
Во финалето на категоријата Најдобар дизајн влегуваат Chevrolet Camaro, Citroen C3 Picasso, Kia Soul и Toyota Prius.
За победниците во секоја од категориите гласа жири комисијата составена од 45 автомобилски новинари од целиот свет, а резултатите како и до сега ќе бидат објавени во април на автомобилскиот салон во Њујорк.
Светски автомобил на годината за 2009 беше Volkswagen Golf VI, a година претходно за Светски автомобил на годината беше избрана Mazda 2.
|
