Ford ja претстави рели верзијата на Fiesta која под капата на Monster World Rally Team ќе се натпреварува во американскиот рели шампионат, а ќе биде управувана од дрифт артистот Кен Блок.
Новиот рели автомобил е создаден од страна на специјализираната работилница Olsberg Motorsports Evolution на база на шампионската верзија European Rallycross Fiesta која е екстремниот наследник на очекуваните сериски спортисти Fiesta Zetec S, Fiesta RS и Fiesta ST.
Со официјалното претставување на рели верзијата на Fiesta, Ford обзнани дека Кен Блок станува нивни фабрички возач. Дрифтерот годинава со Fiesta Rally ќе вози на релијата од американскиот рели шампионат, а ќе се појави и на неколку релија од светскиот рели шампионат, но зад воланот на Focus WRC.
Под хаубата на Fiesta Rally работи вистински моќник, 2.0 литарскиот бензинец на Ford, Duratec кој потпомогнат со турбо полнач остварува 490 КС при 8.000 врт/мин. За релијата во Америка заради низа рестрикции во САД, Fiesta Rally има само 330 КС.
Годинава Кен Блок ќе вози на седум релија од Rally America, вклучувајќи го настанот Summer X Games. Воедно се прават напори Fiesta Rally да влезе и во светскиот рели шампионат во 2011 како Fiesta WRC.
Кен Блок веќе го тестира новиот автомобил и е воодушевен од неговите перформанси. Доказ е и видеото од дебитантскиот настап на настанот Sno*Drift во Мичиген, САД.
