Погодувате станува збор за новата генерација на Ford Focus. Дизајнерите во Ford продолжуваат да ги следат смерниците на кинетичкиот дизајн и максимално ги користат придобивките од новите технологии.

Прдниот крај го краси карактеристичниот трапезоиден отвор во браникот украсен со хромирани рамки, страничните отвори за ладење на сопирачките и предните светла исполнети со светлечки диоди кои наликуваат не некаква вонземска форма.

Подеднакво е привлечен и задникот инспириран од новиот Ford Kuga со развлечени тематски светла, задно стакло како скулптура и дводелна задна врата по примерот на Skoda Superb.

Останатите карактеристики на Iosis Max се панорамскиот стаклен кров, четирите одвоени седишта, недостатокот од В носач, спојлерот на кровот и место ретровизори камери за поглед наназад.

Според најавата на одговорните од Ford, концептот Iosis Max покрај тоа што е предвесник на новиот Focus е предвесник и на новиот C-Max. Ова значи дека четирите места за седење ќе се претворат во пет кај Focus и дури седум кај C-Max што не е случај со актуелниот модел.

Под хаубата на Iosis Max се сокрива 1.6 литарски трубо бензинец кој остварува моќност од 180 КС има систем старт/стоп, а снагата ја пренесува преку менувачот на Ford со две спојки PowerShift.

Моторот е дел од нова генерација на турбо бензинци кои својот работен век ќе го започнат во Focus и во C-Max и полека ќе се рашират низ целата гама на Ford.

Најголемата дилема што постои во моментов е појавувањето на сериските верзии на двата модели кои е се угледаат на Iosis Max. Од Ford доаѓаат конфузни информации.

Првата беше дека C-Max ќе се појави пред Focus, поточно 2010, а хечбекот би пристигнал година подоцна. Меѓутоа постои уште една варијанта која е многу поверојатна.

Taa вели дека новата генерација на Focus на пазарот ќе се појави кон крајот на 2010, а неполна година подоцна, поточна на пролет 2011 во салоните ќе пристигне и C-Мax.

Интересно е што во Ford се работи паралелно и на двете верзии и се очекува и двете да бидат завршени во исто време, а пласирањето на пазарот е маркетиншки потег.

Сепак, се очекува одлуката да падне наскоро.