Зелениот Mustang е создаден со користење на делови од спортската дивизија Ford Racing Technology, а најважно е последното издание на 4.6 литарскиот V8 кој остварува 315 коњски сили и максимален вртежен момент од 440 Nm.

Bullitt ја користи основата на Mustang GT, но има нови амортизери, попречни водилки и попречен стабилизатор меѓу предните амортизери. Суспензијата има спортски сетап, со старата крута и прилично жива задна оска која знае машки да го фрли задникот во свијок.

Сопирачките се подобрена верзија на оние што ги носи и Mustang GT. Специјално за Bullitt развиени се поагресивни плочки напред кои се многу поотпорни на прегревање и даваат подобро чувство кога ќе се притисне педалот.

Она што го разликува Bullitt од обичниот GT се сетот од уникатни бандажи од лесна легура со темно сиви пречки и сатински финиш. Сопирачките клешти се обоени за да одговараат на бојата на тркалата.

Bullitt за 2008 пристигнува кај дилерите на стартот од следната година со цена од 31.075 долари и во лимитирана серија од 7.700 возила секако само за во САД и Канада. Штета.