Fusion Hydrogen вози со електричен мотор од 770 коњски сили кој енергијата ја добива од горивни ќелии. Автомобилот е изработен во соработка со тркачките експерти од Ballard, Rousch и студентите од Државниот универзитет во Охајо.

Зад воланот ќе седи пензионираниот тркач на Ford и ветеран на Боневил, Рик Бајрнес.

Вториот автомобил на водород што ќе се обиде да го собори рекордот на Боневил во најсилната категорија е Buckeye Bullet 2 кој исто така е развиен во Државниот универзитет на Охајо.

Тимот од Охајо се надева дека ќе го подобри нивниот рекорд од 2004 кога со Buckeye Bullet постигнаа 507 km/h, а во Ford веруваат дека ќе докажат дека електричните автомобили воопшто не се спори.

Но не ни е јасно зошто го избрале Fusion.