Одбирот на настанот за премиера на својот нов седан во Honda не го направиле случајно. Турција е најголемиот пазар голтач на седани токму од оваа класа.

Honda City настапува во ниската средна класа и е поставен на истата платфрома врз која почива и новата Honda Jazz. Дизајнот влече некои од најновите елементи кои можат да се забележат на останатите модели што доаѓаат од матичната куќа, а најголема сличност се забележува со хибридот Honda Insight.

Во зависност од пазарот каде ќе се продава на располагање ќе бидат два мотори.

Станува збор за два бензински агрегати со i-VTEC технологија. Првиот е со зафатнина од 1.4 литри и испорачува 100 коњски сили, додека помоќниот мотор од 1.5 литри остварува 120 коњски сили.

Снагата до предните тркала и кај двата мотори стандардно се пренесува преку пет степен мануелен менувач. Секако во Honda мислеле и на оние купувачи кои сакаат автоматика. За нив е обезбеден нов автоматски менувач кај кого степените по желба можат да се менуваат и со палки сместени зад воланот.

Honda City е жив автомобил. Послабиот бензинец со мануелениот менувач до 100 km/h забрзува за 11,8 секунди, додека на автоматот му се потребни 14, 7 секунди.

Продажбата во Турција стартува во јануари 2009, по што може да се очекува комерцијализација и на останатите Источно eвропски пазари. Моделите што ќе се нудат на тамошниот пазар ќе ги задвижува послабиот мотор од 1.4 литри, а цената е сеуште непознаница.