CR-Z би требало да биде урнек за новата генерација на лесни спортски автомобили задвижувани од електро бензинскиот хибриден систем на Honda, но поверојатно е според извори блиски до јапонската марка дека, како што рековме, ова е претходница за наследникот на омилениот CRX.

Познатиот профил и стаклената задна врата недвосмислено упатуваат на CRX, а тука е и забелешката за големата сличност во името.

Главни значајки на новиот концепт се предимензионирана предна маска и агресивни отвори за воздух, средишно поставен издув со две цевки и задна врата облечена во стакло.

Останатите дизајнерски детали вклучуваат електронски странични ретровизори, предни светла од светлечки диоди и огромни леснометални бандажи од 19 инчи.

Во интериерот може да се забележи комбинација на спортско и хај-тек уредување. Мрежести материјали за обложување на кабината, светлечки диоди кај таблата со инструменти и многу, многу стакло.