Планот е да ја зголеми продажбата на вкупно 400.000 хибриди на годишно ниво до 2012. Ова секако ќе биде неверојатен напредок за Honda бидејќи минатата година продаде само 55.300 хибриди глобално.

Дел од ниската продажба е и недостатокот од автомобили со хибриден погон. Минатогодишната бројка е постигната само со еден едиснтвен модел, а тое е Honda Civic. За да го реши овој проблем Honda планира да воведе во сериско производство три нови хибриди меѓу кои и спортски автмобил, автомобил од ниската класа и новата генерација на Honda Civic Hybrid.

Honda не стравува за исполнување на своите цели бидејќи во моментов неколку се случуваат работи што и одат во прилог. Една е зголемување на побарувачката на зелени автомобили, посебно во Европа, каде Honda ќе го претстави својот спортист изработен на база на концептот CR-Z. Второ е драстичното зголемување на цената на горивата поради што нагло се зголемувва и побарувачката за хибриди.

Факт е дека Toyota сеуште е лидер во продажба на хибриди, со вкупно осум модели кои работат на бензин и електрика и продажба која лани достигна бројка од 429.000 автомобили.

Примарната цел на Honda не е да ја престигне Toyota туку да и земе добар дел од колачот.