Големиот седан на Hyundai беше миленик на жирито и победи во категоријата на автомобили, додека во категоријата на камиони – категорија која се однесува на теренски возила, пикап и SUV – победата ја однесе пикапот Ford F-150.

Во финалето на изборот во категорија на автомобили покрај Hyundai Genesis влегоа и Volkswagen Jetta TDI и Ford Flex. Победникот меѓу камионите Ford F-150 ги победи Dodge Ram и Mercedes ML320 Bluetec.

Hyundai Genesis секако имаше голема конкуренција бидејќи номинирани беа автомобили како BMW Серија 1 со новиот шест цилиндричен битурбо бензинец и Nissan GT-R исто така со шест цилиндричен битурбо. Во групата беа и Cadillac CTS-V со моќен V8 со механички компресор, но и секојдневни возила како Мazda 6 и Pontiac G8.

Сепак, Genesis успеа да победи благодарение на квалитетната изработка, добриот инженеринг и соодност вложено/добиено.

Голема мешаница настана во т.н. категорија на камиони, каде вистинските припадници на оваа се американска класа беа само двата пикапи Ford F-150 и Dodge Ram.

Еден Mercedes ML320 Bluetec е далеку од класата во која беше номиниран. Исто важи и за останатите конкуренти како BMW X6, Infinity FX35 и FX50.

Околу оваа класа се водеа и најголемите полемики по што остана еверувањето од страна на организацијата дека е дојдено времето кога категориите ќе мораат да се ревидираат и да се направи нова подлеба.

До тогаш Hyundai Genesis ќе може да ужива во заслужената победа.