Hyundai со претставувањето на Veloster Turbo започна нова ера во својата понуда. Гамата на марката во иднина ќе биде пополнета со жешки изведби од безмалку секоја моделска изведба.

Прв на сцена после купето со турбо мотор стапува i30 чија напумпана верзија на пазарот треба да се појави до крајот на годината. Таа ќе биде опремена со турбо бензинецот 1.6 Т-GDI којшто на предна оска ќе испраќа дури 211 КС.

Секако оваа изведба е наменета за пазарите во Европа. За останатите моторот испорачува десетина коњски сили помалку. После бесниот i30 на пазарот во Европа ќе биде испратена комби изведбата на i40, поточно i40 SW.

Hyundai i40 SW ќе го пакува истиот мотор, но тоа нема да биде најотровната верзија. За неа се предвидува и турбо изведбата на новата генерација на 2.0 литарецот со директно вшприцување на горивото.

Овој мотор веќе работи во американската Hyundai Sonata Turbo, а ќе се вградува и во Kia Sportage. Испорачува 274 КС и гарантира дека i40 SW ќе биде побесен дури и од помалиот i30.