Корејскиот производител на автомобили најавува два нови мотори во својата гама. Станува збор за новиот 1.6 литарски бензинец GDI со турбо натполнење и нов турбо дизел од 2.0 литри.

Бензинецот од 1.6 литри со директно вшприцување на горивото и варијабилно управување со вентилите со помош на турбо полначот истискува 204 КС и максимален вртежен момент од 265 Nm при ниски 1.750 врт/мин.

Истиот мотор во атмосферска верзија е познат од Vesoter, a се вградува во други модели на Hyundai каде истискува околу околу 135 КС во зависност од моделот.

Од Hyundai велат дека за развој на новиот турбо бензинец биле потребни 52 месеци, а инвестицијата чинела 61 милион долари. Покрај него Hyundai го најавува и новиот турбо дизел.

Дизелот од зафатнина од 2.0 литри истискува 150 КС и максимален вртежен момент од 382 Nm и како што вели информацијата ги задоволува нормите Euro 6.

Зедно со нив Hyundai го претстави и новиот роботизиран менувач со две спојки и шест степени на пренос. Останатите детали околу моторите и менувачот Hyundai ќе ги објави подоцна кога ќе почне сериското производство.