Купето на Hyundai со погон на задни тркала Genesis Coupe се модернизира за што веќе пишувавме, а сега по премиерата во Кореа ги објавува и првите официјални детали за него заедно со фотографии.

Hyundai одлучи да го претстави обновениот Genesis Coupe пред домашна публика, додека светската премиера е закажана за во јануари за салонот на автомобили во Детроит.

Она што е ново кај Genesis Coupe е обновениот дизајн кој сега го носи новиот дизајнерски стил на марката, флуидна скулптура, со препознатливата шест аголна маска и светлата со остари агли со технологија на светлечки диоди.

Под лутата предница и хаубата со шкрги се сокриваат два нови мотори. Помалиот е прeвземен од Sonata Turbo и од 2.0 литри со помош на турбо натполнење и диерктно вшприцување на горивото истискува 275 КС.

Тоа се 65 КС повеќе во однос на претходниот 2.0 турбо. Вртежниот момент е подигнат на сериозни 375 Nm кои ветуваат силно повлекување од низок број на вртежи и моќни меѓузабрзувања.

Со овој мотор Genesis Coupe до 100 km/h спринтува за 7,2 секунди и во просек троши 9,1 l/100 km. Помоќната верзија го пакува 3.8 литарскиот атмосферски V6 бензинец кој испорачува 350 КС и 400 Nm.

Со него спринтот до 100 km/h се скусува на 5,9 секунди, додека просечната потрошувачка се држи во рамките на 9,7 l/100 km. И двата мотори стандрадно се спарени со шест степен мануелен менувач, а со доплата се добива автоматик со осум степени на пренос.

Покрај моторите и менувачите Genesis Coupe добива и ревидиранo подвозје, сопирачки систем и нова безбедносна електроника. Продажбите ќе стартуваат од почеток на следната година.