Причината зошто корејскиот производител одлучи да отиде чекор подалеку во конструирањето на сопствена трансмисија лежи во штедењето на гориво.

Lexus веќе користи осум степен автоматски менувач за својот знаменосец лимузината LS. Шефот за развој на Hyundai претходно најави дека компанијата со претставувањето на генерацијата Genesis започнува со работа на осум степен мануелен менувач.

Но, очигледно е дека тоа беше само одвлекување на внимание. Сега сигурно е дека всушност станува збор за осум степен менувач, но автоматски.

Истиот ќе почне да се вградува во моделите на Hyundai во 2010, но, сеуште не се открива кои се моделите во кои ќе се вградува менувачот.

Претпоставка е дека прва на списокот ќе големата лимузина класа над Genesis која ќе биде замена за Equus.

Прототипот што пред некое време ловците на автомобили го фатија на тестирање и за кого се претпоставуваше дека е верзија на Genesis со зголемено меѓуоскино растојание всушност е наследникот на Equus.