Концептот на ова купе Hyundai за првпат го претстави во 2007 на салонот во Сеул наречувајќи го Veloster. Соодветен назив за еден автомобил кој треба да биде олицетворение на брзина и спортски перформанси.

Hyundai Veloster има димензии кои одговараат токму на VW Scirocco. Тоа значи дека автомобилот е помал од актуелното купе на Hyundai.

Како што наведуваат одговорните од Hyundai, Velsoter во должина мери 4.285 mm, широк е 1.790 mm и што е најинтересно ќе биде поставен на платформата на Hyundai i30 која ќе претрпи мали измени.

Внатре Veloster треба да овозможи комфор и практичност во користењето како кај компакт со конфигурација на седишта 2+2.

Како што се најавува под хаубата ќе работи турбо бензинец со зафатнина од 1.6 литри и директно вбризгување. Четири цилиндарецот ќе испорачува 168 КС и ќе биде комбиниран со системот старт/стоп заради поголема штедливост.

Од Hyundai истакнуваат дека „автомобилот ќе биде економичен, но и многу брз”, а според информациите ќе обилува и со високотехнолошки системи.

Hyundai Veloster треба да го очекуваме на пазарот во Европа за околу година и половина.