Ibiza Ecomotive заедно со VW Polo BlueMotion остваруваат најмала емисија на СО₂ на километар со што и заслужија да бидат прогласени за најеколошки возила.

Водечката позиција на Ibiza Ecomotive во Германија во класата на најеколошки возила јасно ја истакнува посветеноста на Seat за заштита на животната средина не само со производство на возила со ниска емисија на СО₂ туку и со гаранција дека производството, развојот и рециклирањето на возилата има минимално негативно влијание врз околината.

Ibiza Ecomotive со емисија на СО₂ од 99 g/km е автомобил со најмала емисија на јаглерод диоксид во сегментот поради што во Шпанија купувачите се ослободени од плаќање данок.

Во моментов Seat нуди три Ecomotive верзии на своите возила. Групата ја сочинуваат Ibiza, Leon со емисија на CO₂ од 119 g/km и Altea со емисија на CO₂ од 159 g/km.

Поради големата популарност на Ibiza Ecomotive, Seat забрзано ја подготвува Ecomotive верзијата на новата генерација на Ibiza.