Да им се конкурира на автомобилите што излегуват од спортските одделенија на германските премиум производители воопшто не едноставно ниту лесно тоа го знае Infinity и крои нов план.

Планот на јапонскиот производител на автомобил Infinity, луксузна марка на Nissan е да се создаде спортски оддел којшто ќе произведува автомобили кои треба да им конкурираат на Audi Quattro, BMW M и Mercedes AMG.

Спортскиот оддел на Infinity ќе ја носи кратенката IPL – Infinity Performance Line ќе ја има истата улога која што ја има Nismo во Nissan. Тоа значи испорака на спортско подвозје, спојлери и спортски седишта и други додатоци.

Меѓутоа Nismo не чепка во моторите на Nissan. Од друга страна IPL сето она што го прави Nismo ќе работи и на развој на механички комперсори и турбо полначи за моторите што се вградуваат во моделите на Infinity.

На овој начин моторите во Infinity ќе нудат навистина вртоглави перформанси.

Се очекува дека на фалениот 3.7 литарски атмосферски бензинец V6 којшто работи во низа модели на Infinity од моменталните околу 300 КС во зависнот од моделот ќе остварува моќност од потенцијални 400 КС што е снага за респект.

Сето ова ќе биде доволно Infinity на пазарот во Северна Америка да им фрли ракавица в лице на германците.