Концептот креиран во судиото на Kia за дизајн во Калифорнија нуди релативно класична форма оличена со дизајнерски детали што и припѓаат на иднината заедно со користените материјали за изградба на каросеријата.

Аеродинамичките додатоци како задниот дифузор, црниот спојлер во предниот браник, надворешните ретровизори се изработени од карбон-фибер. Спортскиот стил го потврдуваат големите отвори за воздух во предниот браник, страничните завеси, уникатните леснометални бандажи кои ги оскриваат огромните вентилирачки бушени дискови и сопирачки клешти од Brembo.

Под профилираната хауба се сокрива 2.0 литарски турбо бензинец со директно вбризгување, прво на Kia, кој развива 290 коњски сили и вртежен момент од 390 Nm расположливи меѓу 2.000 и 4.000 вртежи.

Погонот е напред што и не е баш најсреќна опција кога се работи за безмалку 300 коњски сили. Но, конструкторите уверуваат дека независната суспензија, големите стабилизатори и попречната шипка меѓу предните амортизери за укрутување на предницата се доволни за да ги држат тркалата цврсто залепени за асфалтот со минимално пролизгување.