Новиот автомобил ќе биде базиран на концептниот автомобил Kia Еco Сee'd кој беше претставен минатиот месец на салонот во Франкфурт и ќе го носи истиот 1.6 литарски дизел CRDi оличен со сите потребни модификации за заштеда на гориво.

Според тврдењата овие модификации би требало да ја подобрат економичноста до 17 проценти и да ја смалат емисијата на СО2 до 8,4 проценти.

Официјалните податоци велат дека просечната потрошувачка изнесува 3,9 литри на 100 изминати километри, а емисијата на СО2 изнесува 104 g/km. Би требало Eco Cee'd да биде достапен во варијанта со пет и со три врати.

Дел од модификациите вклучуваат спуштање на автомобилот, рамна плоча за заштита на долниот дел од возилото, предна маска која произведува помал отпор на воздух, и гуми од Michelin со мал отпор при тркалање.

Измените кај моторот се состојат од намален притисок на турбополначот, подобрено времето потребно за вбризгување на горивото и намалено триењето меѓу внатрешните делови на моторот.

Во автомобилот ќе биде поставен и нов состем стрт/стоп како и систем за регенерација на енергијата при сопирање.

Првите автомобили би требало да стигнат во продажните салони низ Европа во првата половина на 2009.