Легендарната италијанска марка De Tomasо ги продаде правата за производство на својот нов кросовер Deauville на кинеска компанија чие име останува трговска тајна за сума од 12 милиони евра.

Секако за сопственикот на De Tomaso, Жан Марио Росињоло една ваква одлука не била лесно, но финансисксите проблеми во кои плива италијанската марка се навистина сериозни и кинеските пари се добредојдени.

Имено De Tomasо на своите вработени веќе неколку месеци не им исплаќа плати.

„Продажбата на лиценцата за Deauville јасно говори дека De Tomaso создал технологија која може да печали,” вели Росињоло објаснувајќи дека тоа е правата зделка која ќе му овозможи на De Tomaso да добие средства за понатамошен развој на проектот.

Кросоверот Deauville кого De Tomaso го зачна под работна ознака SLC, а го дизајнираше Pininfarina има постојан погон на четири тркала и под хауба пакува 2.8 литарски V6 турбо бензинец кој испорачува околу 300 КС.

Моторот носи потекло од General Motors исто како и поголемиот V8 кој е најавен да биде знаменосец во понудата. De Tomaso планираше и V6 дизел со 250 КС кога Deauville ќе се појави на пазарот во 2012 година.

Но, очигледно плановите се изјаловија.