Кинескиот производител на автомобили Great Wall гради фабрика во Бугарија за производство на автомобили која треба да стартува со работа следната година и во која ќе се произведуваат неколку модели.

Еден од моделите што ќе се произведуваат во фабриката на Great Wall и на бугарската компанија Литекс Моторс кој се гради во селото Баховица крај Ловеч ќе биде претставен на претстојниот салон во Пекинг.

Се работи за компактен седан кој ќе го носи името Tengyi C30 и ќе биде главен конкурент на модели како Toyota Yaris Sedan и Honda City на пазарите во источна Европа, Турција и Блискиот и Средниот Исток.

Но, истокот не е единствената аспирација за кинезите. Тие сакаат да тргнат и во совојување на пазарите во Западна Европа. Есапот е едноставен. Бугарија е членка на ЕУ и нивните возила ќе имаат повластени данични стапки.

Понатаму работната сила во Бугарија сеуште е евтина. Плус во еден транспортен брод собира многу повеќе автомобилски делови отколку што собира цели автомобили бидејќи сеуште не е во план производство на делови во Бугарија.

Tengyi C30 е задвижуван од алуминиумски атмосферски бензинец со зафатнина од 1.5 литри и моќност од 105 КС и вртежен момент од 138 Nm. Седанот има меѓуоскино растојание од 2.610 mm, багажник од 510 литри и тежина од 1.136 kg.

За да ги придобие купувачите Tengyi C30 ќе биде опремен со сите современи безбедносни системи како ABS, EBD, воздушни перници, а исто така во серија ќе нуди кожени седишта, аларм, клима уред, сончев кров, радио со CD и др.

Бидејќи ниту името Tengyi C30 не е прифатливо за увото на европскиот купувач па затоа за во Европа моделот ќе биде прекрстен. Останатите модели што ќе се произведуваат во Бугарија се Florid, Coolbear, Hover 5 и Wingle.