Никој неможе да ја заборави непрежалената Calibra. Купето на Opel поставено на платформата на Vectra со одлична аеродинамика и флуиден дизајн сеуште не излегува од главите на фановите и медиумите.

Секој момент се очекува појавувањето на нејзиниот наследник. Не затоа што тоа навистина ќе се случи, а ќе се случи туку заради желбите на автомобилската јавност.

Можеби за шпекулациите за појавата на нова Calibra е виновен и самиот Opel откако во 2007 го претстави купето GTC кое во суштина претставуваше најава за Insignia. Можеби сето ова и не е толку случајно.

Факт е дека концептот GTC претставува Infisgnia со две врати. Исто така е познато дека Calibra беше Vectra со две, падрон, со три врати. Ако се повлече паралела тогаш голема е веројатноста Insignia да добие своја купе верзија.

Прво заради помалите трошоци за развој, а второ заради исклучителната популарност на Insignia, но и на далечната Calibra.

Сепак, без оглед на заштедата на трошоците при развој и производство од General Motors истакнуваат дека за да биде оправдана инвестицијата во остварувањето на проектот Calibra II ќе биде потребно продажбата на купето да не паѓа под 30.000 примероци годишно.

И доколку Opel неможе сам да го постигне резултатот на помош ќе му пристигне сестринската марка Buick која веќе својата верзија на Insingia под името Regal ја продава и во Кина , а од пролетва и на северно американскиот пазар и тоа мошне успешно.

Оттука, ако Opel Insignia и Buick Regal се кршат од продажба на двата континенти, тогаш голема е веројатноста тоа да се случи и со нивните купе изведби од кои едната ќе се нарекува Calibra.

Значи нема причина зошто нова Calibra не би се појавила на пазарот.

Калкулациите остануваат за со нив да се расправа врвот во General Motors. Меѓутоа од компанијата истакнуваат дека дури и ако проектот Calibra II добие зелено светло нејзината премиера би била дури за две години.