Првите најави за овој утрамоќен болид пристигнаа уште во март годинава, но освен најавите не се знаеше буквално ништо за монструмот што се подготвува во гаражата на Koenigsegg. Сега швеѓаните излекуваат со подетални информации.

Koenigsegg CCXR во средина на шасијата носи V8 направен од легура на алуминиум и способен да работи со боигориво. Согорувањето на етанолот во биогоривото има позитивна нуспојава на ладење на коморите за согорување.

Оваа појава во комбинација со високата октанска вредност на горивото го прави суперавтомобилот со 1.017 коњски сили при 7.200 вртежи и максимален вртежен момент од 1.060 Nm при 6.100 вртежи еколошки подобен.

Моторот од 4.7 литри диши преку четири вентили на цилиндар управувани од две брегасти вратила по глава компресија од 8,2:1 и секвенцијало вбризгување во повеќе точки.

Во Koenigsegg неведуваат просечна потрошувачка од 22 литри на 100 изминати километри биогориво.

Забрзувањето до 100 km/h или во случајов катапултирањето изнесува само 2,9 секунди и трае се до, според тврдењата на инженерите од Koenigsegg, максималните преку 400 km/h.

Едвај чекаме да видиме и некои официјални податоци кои ќе ги поддржат ваквите тврдења и доколку навистина имате желба да знаете цената изнесува околу 1,5 милиони европски банкноти.